Politically motivated charges under charge file of Asamenew: ESAT news

Politically captured legal system of TPLF in Ethiopia is persecuting activists Eyerusalem Tesfawe, Berhanue Tekleyared, Fikre Mariam Asmamaw  using the vaguely defined ATP law of TPLF. They are accused of “taking the way to join”  Patriotic Ginbot7 Movement for for Unity and democracy (http://www.patriotg7.org/). The European Union and the US repeatedly expressed concern over vague use ATP law in Ethiopia under the repressive TPLF led regime to silence any dissent.

 

ሚያዚያ ፳፮(ሃያ ስድስት) ቀን ፳፻፰ ዓ/ም ኢሳት ዜና :- በብርሃኑ ተክለያሬድ መዝገብ ስር የሚገኙት ብርሃኑ ተክለያሬድ፣ ፍቅረ ማርያም አስማማውና እየሩሳሌም ተስፋው ፣ ሚያዚያ 26፣ 2008 ዓም ከፍተኛው ፍርድ ቤት የቀረቡ ቢሆንም፣ ምስክሮቻቸውን አቅርበው ማሰማት ሳይችሉ ቀርተዋል። በበቂ ሁኔታ ሊከላከሉልን ይችላሉ ያሉዋቸው ምስክሮች ቃሊቲ እስር ቤት ሊያስወጣቸው ፈቃደኛ ባለመሆኑ መሆኑን እስረኞቹ ገልጸዋል። አቶ ብርሃኑ ፤ እራሳቸውን ችለው እየተከራከሩ መሆናቸውን ገልጸው፣ እንዲቀርቡላቸው የሚፈልጉዋቸውን ምስክሮች የቃሊቲ ማረሚያ ቤት ሊያቀርብ አለመቻሉን አክለዋል። እነ አቶ ብርሃኑ በመከላከያ ምስክርነት ከጠሩዋቸው ሰዎች መካከል በእስር ላይ የሚገኙት አቶ አንዳርጋቸው ጽጌ ፣ ጋዜጠኛ እስክንድር ነጋ ፣ ጋዜጠኛ ተመስገን ደሳለኝ ፣ እንደሁም ጠበቃ ተማም አባቡልጉ፣ ኢንጂነር ይልቃል ጌትነት ፣ ፕሮፌሰር መስፍን ወልደማርያምና ዶ/ር መረራ ጉዲና የሚገኙበት ሲሆን፣ ከኢህአዴግ ከፍተኛ ባለስልጣናት መካከል ደግሞ አቶ በረከት ስምኦን፣ ዓባይ ፀሐዬ፣ ስብሀት ነጋ ፣ አዲሱ ለገሰ፣ ተፈራ ዋልዋ፣ ጄነራል ሳሞራ የኑስን ፣ ዶ/ር ደብረ ጺዮን ይገኙበታል። የቃሊቲ እስር ቤት የመከላከያ ምስክሮቹን ማቅረብ ያልቻለው በአጃቢ እጥረት ነው የሚል መልስ ሲሰጥ፣ በሚቀጥለው ቀጠሮ ይዞ እንደሚቀርብ አስታውቋል። ፍርድ ቤቱ ለመንግስት ከፍተኛ ሀላፊዎች መጥሪያ በፖስታ ቤት እንዲላክላቸው እና ከግንቦት 30 እስከ ሰኔ.8/2008 ዓ.ም ምስክሮችን የማስማት ሂደት እንዲከናወን ውሳኔ አስተላልፏል። በአቶ ዘላለም ወርቃገኘሁ መዝገብ የተከሰሱት የህሊና እስረኞች ቀደም ብለው አቶ አንዳርጋቸው ጽጌን በመከላከያ ምስክርነት እንዲቀርቡላቸው ጠይቀው የነበረ ቢሆንም፣ እስር ቤቱ ሊያቀርባቸው ፈቃደኛ ሳይሆን በመቅረቱ ሳይቀርቡ የፍርድ ቤቱም ትእዛዝ በአየር ላይ ቀርቷል። የቀድሞው የህወሃት ታጋይና የአረና ትግራይ አባሉ አቶ አስገደ ገብረስላሴም እንዲሁ የመንግስት ከፍተኛ ባለስልጣኖችን በመከላከያ ምስክርነት ጠርተዋቸው የነበረ ቢሆንም፣ በሰበብ አስባብ ሳይቀርቡላቸው ቀርቷል። እነ አቶ ብርሃኑ የጠሩዋቸው ከፍተኛ የመንግስት ሹሞች ይገኛሉ ተብሎ አይጠበቅም። በተለይም ደብዳቤው በፖስታ እንዲደርሳቸው መባሉ ተጠያቂነት እንዳይኖር የሚያደርግ በመሆኑ፣ ባለስልጣኖቹ አልደረሰንም ለማለትና እስር ቤቱም ሲጠየቅ ሃላፊነቴን ተወጥቻለሁ በማለት ድራማውን ለማሳመር ይጠቅማል ሲሉ አስተያየት ሰጪዎች ይናገራሉ። በተመሳሳይ የእስር ዜና በቂሊንጦ በእስር ላይ የሚገኙት ወርቁ ተረፈ ፣ ሰጠኝ ቢልልኝና አብርሃም ሞገሰ ፍርድ ቤት ቀርበው የነበረ ሲሆን፣ አቶ ወርቁ “ አማራ በመሆናችን ብቻ ሽብረተኞች እንባላለን፣ በድብደባ፣ ህክምና በመከልከልና በተለያዩ የማሰቃያ ዘዴዎች እየተቸገርን ነው። ችግራችን የሚሰማልን አጥተናል፣ ለማን አቤት እንበል” ሲሉ ፍርድ ቤት አቤቱታቸውን በማቋረጥ ለግንቦት14 ተለዋጭ ቀጠሮ ሰጥቷል።

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s